THOU IN, Aa THUM KHUANGTA

Aa khat,a na khuang zo ta aa, khangh khat ih lo ta vuh hi. Aa ni, a na khuang dawh kia ta aa, khangh ni ih lo kia dawh ta vu hi. tun le vang a hi leh, Aa thum a khuang ta aa, khuo va ding in, zang zung a ki sem ta aa, zing thaw hun, a hing tung ta hi. thou vun, thou vun, lam saau pi zawt ding hi lou vu na ma? bang ding a, zing ni nou suo ding hi ta a, thou nuom nai lou na hi vuh a hei? zing ni nou suo dawng in, thou nuom lou in om vu la cin, na veng na pam te, nua pha la in, mi neu mu leh mi et sat, gen tham thada, inn ma lou ma bin na leh gilkiel dangta na, na thuoh kha ding vu hi. na khang hun hoi sung vu khu, PENGLAM ai lum suon sih vun len, kum sawtpi hiing ding bang in, na sem vun len, tu nia si ding bang in thu ngen vu la cin, na law cing thei pan ding vu hi. ih ci nop na ah, na lhagau a ding a hi jong in, na lei tung nun tat na ding a hi jong in, na minam leh na gam a ding a hi jong in, tam bang hin khuo jang thei la cin, minua mi ma pha in, law cin na leh lung tup mual suo na te na nei thei pan ding vu hi.