ZO KHANKHUO JACKSONVILLE KHUO UZO KIPAWL NA THUMEI LET BYlAW
THU MASA THUKOT HONNA Jacksonville UZO KIPAWL napen Sii na, da na tung aa kihuoi KIPAWL khop zaw nading in, Jacksonville UZO THUMEI let bylaw kibawl ahi hi. KIP SAH NA Tammi Jacksonville UZO kipawl na Inh, Sii na manh na cieng aa kikep kihuoi nading thumei let bylaw pen (10/27/2012) Kum nitah nai (06:00) pm Hun leh ni in, PA Hang Khup Sing te inn ah kikip sah aa,a kikip Sah mabang in thumei let bylaw pi a nei a bangin khenpi (7) a ki nei hi.
THUMEI LET BYLAW (1)kum(2) khatvei makai teel ding
(2) kum siel sum donna
(3)Sii na Tung ah ki huoi na
(4)NU leh PA laizom sanggam sii tetung ah sii galna
(5)ZO tu ZO ta mitha te kung ah thei sahna
(6)Thumei let bylaw keel hunding
(7) Thu khumna THU LHUN KHENPI(1)MAKAI TEL NA Jacksonville UZO kihuoi kipawl na makai ding pen, Kim(2) in khatvei ta kitel na omding aa, kitel na in leh Hun ding pen, kum bei khawmpi anneh khawmpi hun March lha sung hiding hi. THU LHUN KHENPI(2) KUMSIEL SUM DONNA
(A)Jacksonville UZO kihuoi kipawl na sung ah,inn khat in kumsiel in dangka $40 ta khie lo pelmaw dingin kisah na kinei hi !
(B)inn khat ahi lo Mikhat tangte in zong kumkhat in, kumkhat in dangka $40 ta khie ding ma in, kipsah na kinei hi !!
(C)tua mi kumsum pen January ni(1) ni pan in, March (31) ni cieng in khie Sieng Kim ciet teitei ding aa, tua mi lha thum(3) sung aa, a khie lo te inh a khieh lo kum aa, sii na man na ang tuoh khah leh Jacksonville UZO kipawl kihuoi na inh,bangma huna khawlpi na kinei Lo dingin kipsah na kinei hi !!!
(D)a tunzaw kumkhat kumni a phasa ZO tu ZO Ta ahi tam Jacksonville UZO KIPAWL na kihuoi na sung aa,a lut nai lo a ki hal nai lo mikhat Inh, mai lam Hun cieng aa lutnop na ang nei leh, kumsiel sum donna kipat ni panin kisim tou ding aa, ang lutni cieng in a kum pha zaza sum khie ding hi !!!!
(E)kumsiel sum donna tung ah, mawpuoh baang lou mi khat in, mailam Hun ah nasep khawlna leh vaidang tuomtuom tawh mundang khuo dang ei lal San khah tah leh, Jacksonville UZO mintawh kikhawlpi ding aa, a sum khiehsa tengpen a nua sie khuopi te ahu na in, kiciem te dinghi !!!!!
THU KHUN KHENPI THUM SII NA TUNG AA KIHUOI NA (A)Jacksonville UZO Kihuoi kipawl a sung aa,ang KIPAWL anglut mikhat Inh mailam Hun ah dei lopi aa, sii na manh na Dana ang tuoh khah tah leh,a tuoh NU a tuoh pa Tung ah galna inn khat inh, dangka $100 ta pie ding hi.
(B)Jacksonville UZO KIPAWL kihuoi na sung aa, sii na tuoh te Tung aa, galna sum dangka $100 pih ding te pen tam anei a, bangin ki zang in kipie ding hi. kikup meeting khensat thu suh thu tou, sumdon paidon vai hawmna zosie tungah genbang lo aa, zui bukim dente tung beh ah galna sum dangka $100 kizang ding hi.
(C)Jacksonville UZO kihuoi kipawlna sung ah, lutzou napi in, kikep meeting Thu khensat na, thusuh thutou sumdon paidon natungah, a kigen za a kigen bang aa, a Kim a zui nuom lou, a pie nuomlou pa leh NU tung ah galna sum $100
Pen kizang lou kipie lou ding hi.
(D)Jacksonville UZO kihuoi kipawlna sung ah, a kihal inn khat inh sii na da na man na tawh, thulhun pi dungzui aa, galna sum $100 a kipieh zaw cieng aa, nasep khawlna leh vai tuomtuom tawh mundang ei lal san khah tah leh, a nua sie UZO kihuoi kipawlna sung ah, bang ma lei bat nei loding hi. THULHUN KHENPI (4)NU LEH PA SANGGAM LAIZOM SII TETUNG AH KI HUOI NA
(A)Jacksonville UZO kihuoi kipawlna sung a, ang lut ang kihal mikhat ih NU leh pa laizom sanggam khat penpen inh, tammi USA gamsung om te hita leh kawlgam sung a om te hita leh, mun khat penpen aa, upmaw Lopi aa sii na manhna angtuoh khah tah leh, Jacksonville UZO kipawl kihuoi napan in, sum dangka (100) tawh dapi na leh athu kizah zaw azing ciengin khawlpi na henep na kinei ding hi.
(B) Jacksonville UZO kihuoi kipawlna sung aa kihal hina pi in, thulhun khenpi (3) (c) sung aa, ih gensa mabang in kikep meeting thu khensat leh thusuh thutou, sumdon paidon na Tung ah, pie nuom Lou NU leh pa Tung ah, galna sum dangka $100 zong kizang Lou ding aa, zong kikhawlpi lou ding hi.
THULHUN KHENPI (5) NA MITHA TETUNG THEISAH NA
(A)Jacksonville ah mailam Hun ciengin, ZO tu ZO ta mitha angtung a om khah leh, makai teng kithu zah ding aa, angtung mitha te va khutsa ding vuh hi, USA gamsung ah ZO kipawlna UZO a om lam thei sah in, tuazaw ciengin, Jacksonville UZO kihuoi kipawlna te leh, thumei let bylaw tengzong theisah pai ding vuh hi.
THULHUN KHENPI (7) NA
(A) Jacksonville UZO kihuoi kipawlna sung a, zui ding aa kibawl thumei let bylaw khenpi(6) tensung ah, a ki tang sap Nate ahi tazong in, a khah Lua a on khah Nate ahi tazong in, kumcin anneh khop makai kitel ni beh in, kila khie thei ki belap thei beh ding hi.
(B) Jacksonville UZO kihuoi kipawlna a zahding aa, kibawl thumei let bylaw tengpen, deilo na ahi tazong in, zui nuom Lou na ahi tazong in, a om aa Kie leh kei USA/UZO zungpi tawh kizop tavang aci a om khah leh, USA/UZO zungpi tawh kizop thei ding hi.
THU KHUP NA
Jacksonville UZO kihuoi kipawlna sung aa, THUMEI let bylaw a kibawlna thu inh ahi leh tupna leh nim na bulpi pen (1) Lung kituoh dildiel tah aa ZO leh ZO GAM a ding nasep ton thei nading (2) A zawng a Hau leh mimaw mipil kidei dat Lou aa, nasep ton nading
(3) Nopna Dana tungah kihuoi zawh nading nimna zong ahi hi.
Jacksonville UZO U pa te Inh, pillou siemlou pipi aa Jacksonville UZO kihuoi kipawlna thulhun thumei let bylaw kang bawlna tetung vuah, kitang cinla na leh gen khiel at khiel kanei khah vuh leh, Jacksonville UZO member a neu pen pan a gol pen dong cieng Kung ah, ngaidam nathu kang ngen vuh hi.
Ih bieh PASIEN inh ZOE suon Tate leh ZO gam khantou thei nading in, thupha ei pie ciet tavuh heh. AMEN
Jacksonville khuo UZO makai ............PA THANG LIEN KHAI
LAI AT PIPA..............PA LIEN NGAIH THANG
SUM KEM PIPA ........................... PA HANG KHUP SING
TANG TAWH PIPA ......................... PA THAWNG DO MUNG
THU DAWH PIPA .......................... PA LANG CIN KAP
PA THANG HAU LIEN
Subscribe to:
Post Comments (Atom)
No comments:
Post a Comment